Ժամանակակից աշխարհը արագորեն զարգանում է: Ավելի ու ավելի ակնհայտ է դառնում, որ անհրաժեշտ է արագ հարմարվել նոր փոփոխություններին և զարգացնել երեխաների մեջ այնպիսի  հմտություններ, որոնք հնարավորություն կտան ինտեգրվել նոր պայմաններին:

Գորով մանկապարտեզը երեխաների զարգացման համար ընտրել է PBL մեթոդը : PBL (Problem Based Learning) մեթոդը համարվում է ուսուցման հաջողված նորարարական մեթոդ,որը մշակվել է շվեդական Folkuniversitetet համալսարանի կողմից և այժմ լայն տարածում ունի աշխարհի բազմաթիվ զարգացած երկրներում :

Մեթոդաբանության Էությունը նախագծային և հետազոտական ​​աշխատանքներն են, որի միջոցով երեխաների մոտ զարգանում են 21-րդ դարում  չափազանց անհրաժեշտ այսպես կոչված փափուկ հմտությունները (soft skills):

Երեխաների մոտ նախադպրոցական տարիքը  ուսուցման այսպիսի  համակարգին ինտեգրելու ամենաբարենպաստ շրջանն է։ Այս շրջանում հետաքրքրասիրությունը հանդիսանում է աշխարհը ուսումնասիրելու ամենահզոր և բնական խթանը: Մեթոդիկայի հիմքում ընկած է սովորեցնել  երեխային սիրել այն, ինչ անում է, որոնել հարցերի պատասխանները ինքնուրույն և բավարարել նրա հետաքրքրասիրությունը ոչ թե փաստերի տեսքով, այլ գործնական առաջադրանքների միջոցով:

Այս մեթոդը երեխայակենտրոն է: Երեխան, ավելի քան ուսուցիչը, հայտնվում է ակտիվ դերում ՝ փորձելով լուծել իր առջև դրված գործնական խնդիրները:

Սա խիստ տարբերվում է ուսումնական գործընթացի ավանդական կառուցվածքից, որտեղ երեխաներին  սկզբում ներկայացվում է ինչ-որ տեսություն, իսկ հետո տրվում են ապացույցներ ու բացատրություններ։ Հակադարձ ճանապարհը` խնդրից  դեպի տեսություն, որը հաճախ օգտագործվում է PBL մեթոդաբանության մեջ, երեխաներին դուրս է բերում տեղեկատվության ընկալողի վիճակից՝ հնարավորություն տալով նրանց ինքնուրույն անցնել «հեծանիվը վերահայտնագործելու» ճանապարհը:

PBL մեթոդը սովորեցնում է երեխաներին՝

1. Մտածել , դատողություններ անել և  կայացնել ինքնուրույն որոշումներ

2. աշխատել թիմում

3. բանակցել

4. քննադատաբար մտածել

5. լինել կրեատիվ

6. ճանաչել դիմացինի և իր զգացմունքները, կառավարել դրանք

7. արագ անցնել մի առաջադրանքից մյուսին և այլն

 

Մեր մասնագետները անցել են վերապատրաստման ողջ ծրագիրը: Գորովը հանդիսանում է Հայաստանում միակ մանկապարտեզը, որը լիցենզավորված է շվեդական Folkuniversitetet համալսարանի կողմից և իրավունք ունի շվեդական այս հաջողված մեթոդիկան ինտեգրելու կրթական ծրագրի մեջ: